انت الحين بغرفتك منسدح بفراشك ومطفي الليت (النور) فجأه يدش عليك اخوك\اختك ويفتح الباب ويقولك بتنام؟!!
لا برقص - اكيد بنام !!
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك ويصرخ عليك ويقول بصوت عالي:-
(هااابتطلع !!)
لا بجرب الباب زين ولا لاالصراحه سؤال خطير !!
انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
هاا قاعد تدرس !!
لا افرش اسناني !! يعني ماسك الكتاب شسوي اكيد ادرس
انت الحين بالكافيه صدفه شفت واحد من الربع او الاهل .. قالك
هاا شتسوي هني !!
ابيع بنك؟؟
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار:-المذيع :- مرحبا عرفنا على أسمك ؟المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
أقولهم كل عام وأنتم بخير. .المواطن:-
((لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
والأسخف من هالبديهيات اللي تضيع وقتنا إذا قابلو اليهال (الاطفال) , , ,
يقول المذيع للياهل :- أنت تحب ماما و بابا ! ! !
((لا احبك))
سؤال غبي الصراحه !!
برنامج مسابقات على الهوا :-
المتصل :- الوو السلام عليكم المذيع :- وعليكم السلام هلا وغلا المتصل:-
ممكن اشارك
يعني انت داق تبي تطلب فطاير ؟ اكيد علشان تشارك ليش تستأذن !! من زوود الذرابه
عيل الي يدق على المطعم ...؟
المتصل : الو السلام عليكم ممكن اطلب ..؟
ههههههههه اكيد عيل ليش داااق ..
عيل الي يدقوون على الصالونات ..؟
المتصله : الووو الصالوونه
لا السايق هههههههههههههههههههه
لا حول الله
الخميس سبتمبر 17, 2009 12:25 pm
